Eskirgan qalamim qo'limga olib
Changigan sahifam uzra bitarman
Bechora parchaga dardlarim sochib
She'rni tiriklayin ichga yutarman
She'rlar bitdim men, ishq og'ida ammo
Qancha misralardan ko'nglim to'lmadi
Majnun aylab o'zimni, yor vasli chun
Sen yorga yuzlanmasam, hech bo'lmadi
Xatolar qildim ko'p, izim yo'qotdim
Bu yurak taskin topolmadi hech
Qayt dedim o'zimga, faqat sen tomon
Nadomatlar ila, bo'lmasidan kech.
Unutdim seni men, bo'lmadi armon
Lazzat va nematga aldanib qotdim
Hech biri afsus, bo'lmadi darmon
Angladim zulmatga men chuqur botdim
Har kuni chaqirding, javob bermadim
Dunyo ishi bilan bandekman go'yo
Raqaming berdingu, ammo termadim
Qarasam barchasi ekanku ro'yo.
O'tolmadim sinovlaringdan,
Sevgingdan ham lekin hech kecholmadim
Aralash tuyg'ular javobsiz qoldi,
Hissiyot tenglamasin yo'q yecholmadim.
Belgilar berding sen qancha va qancha,
Tushundimu senga qaytmadim
Hozirchi yuragim yancha va yancha
Lekin o'zgasiga bir so'z aytmadim.
Yo'limdan toydim men, barchasi rasvo
Oldingda bir bora ham uyalmadim
O'ylamadim, qilsammi hayo
"Shirin" hayollarga hech to'yolmadim
Sadosiz qoldirma endi meni yor
Javobing uchun har on kutarman
Yana o'sha yaroqsiz qator:
"Dardlarim zim etmay ichga yutarman"
Instagram postda havola oldindan ko’rinmaydi — shuning uchun she’rning
o’zi rasmga aylantirildi. Rasmni yuklab oling va Instagram’ga joylang;
adiblar.uz rasm ichida yozilgan.
Adiblar.uz
Barcha she’rlar